Mutongoria wa kiama kia DCP Rigathi wa Gachagua niatanyitwo kugia na iceera guku kaunty ya Embu ruciu tariki mirongo iri ithano mweri ya mugwanja niguo gucemania na andu kundu gutiganite. Ndumiriri cia kwivokeka irauga Gachagua akanyitwa ugeni ni mumbunge wa Manyatta Gitonga Mukunji na varia matanyitwo gucemania na andu imwe kwa imwe maturari ta thoko ya Gategi mathaa ma thaa inya, na vuva wa uguo avingure ovici cia kiama kia DCP tauniri ya Embu thaa thita. Wavo nimatanyitwo gugacera matura ta Kathangariri na Karurumo, mari vamwe na arumiriri ake mbere ya marikiririe tauniri ya Siakago kivwai.