Gikundi kia arimi kuuma gicigo gia Gichugu nikingirite urimiri wa marumbo ta biashara, wana thengia ya irumbo ino gukorwa igomerete arimi a Mwea.
Ataaramu a urimi maugite ati irumbo ino cia mugunda ni ngurani na iria igomerete arimi a mucere mwena wa Mwea.
Mwarimu Paul Kinoti kuma cukuru wa Jomo Kenyatta University augite ati irumbo iria igomerete mucere wa mwea ni cia maii na nicio irareta mirimu ta ya bilharzia.
Kinoti augite ati urimi wa irumbo cia mugunda utiravatara mugunda kana wira Munene na uguo murimi tiatumira mbeca nyiingi urimiri uyu.
Mathew Njeru uria ni murimi wa irumbo ino augite ati urimi uyu nimwega kwona ati nduravatara mugunda Munene kurima na ati mbeu mbithi na atumia aria matena migunda minene nwamavote kurima irumbo ino.
Njeru augite ati kithomo kiria mavetwe ni ataaramu nigitumite avote kwerewa urimi uyu wa irumbo.
Cukuru wa JKUAT uguraga kimira kia irumbo ino lita imwe na ciringi 1200 kuma kwi arimi.