Guku gutigarite muthenya umwe mbere ya mirurungano iria ivangitwe muthenya wa alamisi ni Gen-Z makiririkana aruna ao aria mauragirwe vindi ya mirurungano ya mwaka wa 2024, atongoria a arutwa kuuma cukururi wa university ya Nairobi nimayumiritie na kuuria mbeu mbithi matikayumirie mirurunganori iyo, nigu kurigiriria mwanangiko wa biashara na guta mioyo, guku makiuga maundu macuku nwamekike, na kwoguo niwega maririkane muthenya uyu mari mucii.
Mwenari wake ngavana wa Narok Patrick Ole Ntutu nuurutite mukana kuri aria makayumiria mirururngaonori ino ni kiria augite ikathararia sekta ya wigithia na uceeri wa ageni guku vururiri.
Naguo mungano wa onjoria na aria mathiururukagia indo tauniri ya Nyeri ni mauritie amemba ao gwikinyia kuria marutagira wiira muthenya wa alamisi iri ta njira imwe ya kugitira mbiacara ciao kumana na wanangiku wa wonthe uria ungiumirira vindi ya mirurungano ino, guku tongoria aya a onjoria makiuria aria makeyumiria tauniri iyo kwithema na ciiko cia kuna watho.