Avuri biashara thokori ya Kiritiri gicigorimbunge kia Mbeere South nimakaite kuumana na uvaguki wa ugitiri wa biashara ciao makiria riria kuri na mirurungano magikuira andu ethi aria makoragwa kuo mavaraganagia miang’o ya biashara na uthii.
Atongoria a avuri biashara riu maugite avuri biashara amwe mavota kuthamithia biashara ciao angikorwa ciiko icio ikongerereka makiuria maavitha a ugitiri kwigua kiriro kiao.
Mwenegiti wa kiama kia avuri mbiacara na iganda kia KNCCI kauntiri ya Embu nike Mugo Mate augite Embu nikundu kwega kwa kurutirwa mbiacara no ati kwina imaramari irathoga thayu uyu vindi ya mirurungano
Mugo augite ati gukathii nambere noguo biacara nyingi iri ugwatiri wa kuthamithua kana kuvingwa guku akiuria thirikari guitikira gukorwe na riera riega ria gwika mbiacara.
Maavitha a kamiti ya ugitiri matongoretue ni commisioner wa mbeere South Jacob Mwaura nimeraniririte wirutiri wa thirikari wa kugitira biacara ino no agikanyiriria gukorwe na ngwataniro na avuri biacara
Mwaura niauritie avuri biacara gukorwa makivecana ndumiriri iria ingetethereria gwika uthuthuria wa wiki nai ta kuvecana mbica cia CCTV kuri maavitha a ugitiri niguo eki nai mocagirwe makinyo ma kiwatho