Ekari a taoni ya Kerugoya gicigorimbunge gia Kirinyaga ya gatagati thiini wa kaunty ya Kirinyaga nimonanitie kwaga kwiganira kwao vuva wa andu arume athatu kwithirwa makuite na njira ciina iriga varavarari ya Kutus-Kerugoya gwa kavinda ka mweri umwe.
Giiko gia ivinda ikuvi ni kia muthenya wegoro jumatatu riria mwiri wa mundurume wa ukuru wa gatagati urethirwe vakuvi na mwako urathii nambere wa KMTC.
Ekari maugite mundurume ucio ndanamba kumenyekana, guku amwe magikuira nwakorwe nikwa mwiri wake uraterwe vandu vau, nao engi makiuga nwakorwe arakuire vuva wa kunyua njovi ngananie
Engi mareyonere marauga mundurume uyu aronekire agitia maji ma kunyua na kwoneka akivoya utethio vuva wa gukua ndagikari nini tu.
Aruti wira thiini wa site iyo ya wira marauga matinamenya mundurume uyu agikinya vau, na aronirwe ni atumia aria marendagia marigu thiini wa kiosks iri vakuvi na mwako ucio vuva wa gwikara atekuthegenya gwa kavinda karaca.
Athuthuria kuma kirinyaga ya gatagati nimaikinyitie vandu vau nakwandika ndumiriri na varia mambitie uthuthuria, guku mwiri wa mutigairi ugitwarwa nyombari ya kwiga miiri ya thivitari wa Kerugoya.
Giiko giki giukite mithenya minini vuva wa mathiko ma Wycliffe Macharia uria wathikirwe tariki 18 mweri wa ikumi vuva wa mwiri wake kwithirwa mutarori vakuvi na kivaro kia mithako kia Kerugoya.