Ekari a itura ria Kithiruri thiini wa ward ya Ruguru Ngandori gicigori mbunge kia Manyatta, Embu maramukire kururungana kumana na ûcûku wa varavara na wagi wa manjí vanduri va mieri 2.
Maugite miverethi yathukangirue riria MCA wao Muturi Mwombo arimaga njira mweri wa mugwanja mwaka uyu. Riu mauritie macokerue manji na mathondekerwe varavara niguo mavote gutwarithia maundu mao na mbere.
Mwenari wake, MCA Mwombo niuvoete ekari a mwena ucio kugia na wetereri na kuga mbura iria yambiriritie kura miena ngurani niyo irungamitie mitaratara ya uthondeki wa varavara na kuga manji nimagucokua ivinda rikuvi. Wavo, Mwombo augite mirurungano ya umunthi icungiriritue ni ateti.