Wa riri campaign cia Ol Kalou ithiite na mbere na kunyita thing’a, commission ya ithurano na mivaka guku vururiri IEBC, nirutite mukana wa gutiria kana gukanja kithurano kinini mwema uyu kiria kiratanywa gwikwa tariki 16 mweri uyu mangithii na mbere na kwagarara watho wa ithurano
Mwikariri giti wa IEBC Erastus Ethekon augite ni amaku ni uria campaign irathii na mbere mwena uyu, kwona kwina mbara, kuvaka aikia a kura na mbeca na njira ngurani, gwika campaign utuku na gutumira nyanake nai.
Ethekon, uria waritie vindi ya kuruguria rivoti ya mitaratara ya gutuicania ngucanio cia vindi ya ithurano, niuthite nambere na kuga atongoria aria maravuranira iturwa wa cionthe mwena uyu maina kithomo kia uria campaign ivatirue kuvurwa na kwoguo nimagukorwa magiocerwa makinyo marito ma watho, akiuria ekari a mwena uyu kuvewa kanya methurire uria marenda.