Mutongoria wa vururi William Ruto nuteterete murandi wa gutethia mbeu mbithi gwiyukiria kiwonjoria wa NYOTA uria ekuthunduragia itina ria kairi muthenya wa umunthi na kuuga utuikite umwe wa iria itethetie mbeu mbithi engi kwiukiria na kwithondekera mawira na mbeca.
Kuringana na Raisi Ruto ni ati mbeca ino wana ikionekaga iri nini niitethetie aria meitikirie na gwitikira guitumira uria kuvatii, na kuuga kigina giki gia kairi nigikumatethia kwongerera ukuria wa mawira mao.
Raisi Ruto niwereithitie namba nene ya aria magunikite na murandi uyu wa NYOTA muthenya wa umunthi, iria ni makiria ya mbeu mbithi 122,000 na kugweta niyo namba nene ya utethio thiini wa wonjoria.
Riu nuuritie aria onthe magunikite na mbeca ino mavewe miaka iiri ya kuruta mawira mao mategwitua marivi ma gukorwa biasharari.