Mumbunge wa Manyatta Gitonga Mukunji niwandikirite minister wa urimi Mutahi Kagwe marua akimuria kuthengutia watho wa kurigiriria wendia wa ngandamia itari ndute makoro na iria itari ngonyore [unprocessed nuts].
Wana thengia ya gukorwo mukana ucio wari wa kuvura njeki kwagirithia gikiro kia ngandamia kuuma guku vururiri, kuthondeka mieke ya mawira vamwe na kwongerera gikiro kia ngandamia, watho ucio niucungiririe thogora wa ngandamia kuregera thogora wa nthi wa ciringi 30 na 50 wa kilo.
Mukunji augite kuthengutwa kwa watho ucio nigugutethereria kwongerera kwa ngandamia iria arimi marendia thoko cia nja, kwongerera ucindani wa thogora vamwe na kwongerera gikiro kiria arimi mararuta ngadamia na vuva wa uguo kunyivia athara vindi ya maketha.