Aciari na arimu nimauritue gucaria njira iria yagirîre ya kurera ciana makiria iria iri cukuru cia secondary nigetha kunyivia mitino ya miaki macukururi na migomo ya ciana.
Muciari niavatirue kurera mwana wake na njira mbega na kumutara niguo akure uria kwagirire na kanitha ikaurua ivoere ciana kwona atî mitino ino niingivite na njira nene.
Arimu nao nimauritue kuva ciana kanya ga kwiyaria nigetha kumenya maundu maria maramathumbura kimeciria.
Undu ûyu ukite vuva wa mitino iria ikikite macukururi ngurani guku vururiri, guku cukuru imwe ikiva ciana kanya ga kuthîi mucii vuva wa kiagago kiria gikoretwe kuo kuma mutino wa mwaki uria wekikire cukururi wa eritu wa Utumishi.
Mwene giti wa TSC Dr. Jamleck Muturi nuurite arimu anene a cukuru cia kumamwa vamwe na anini ao kuraraga cukuru nigetha ciana ingigîa na kiagago kana dariri cia kugoma makavota gucaria kivonia nevenya.