Mangavana na masenator riu nimagite na wigucano wa kuthiria ndugamano yao iria yaretetwe nundu wa kwiyumirwa miario ya gukorwa kamiti ya kuramata mathavu ma county thiini wa senate nimarakuruvanua na kunyarira mangavana na kumetia mbeca riria makinya mbere yao gucokia ciuria cia mathavu.
Mutongoria wa aria engi mbungeri ya senate Aaron Cheruiyot augite nimagite na wigucano na kanju ya mangavana, na kuva mweke mangavana kuthii nambere na gwikinyia kamitiri ya banjeti.
Kuringana na rivoti ya utongoria wa senate ni ati mangavana nimetikirite gwikinyagia ciikarori ino, guku nayo senate ikiraniririra gutetera kwongererwa gwa kigina gia county mwakari tukite.
Wa uguo mangavana nimetikirite gutiga gukanyiriria kuthengutua kwa masenator ana aria marakuruvanagua na ungumania, na gutiga kwaria uuru wa senate. Namo masenator nimetikirite gutwarithagia ciikaro ino wega na gutiya managavana aria marekinyia mbere yao, wa undumwe na kuramata ndeto ya ungumania.
Wavo ikundi ino igiri niciitikaniritie gukinyaniria ugaani wa mbeca uria uratanya kwongerera mugao wa mbeca kuri thirikari cia kaunty.