Raisi william ruto ni ugite kavinda ni gakinyu ka gwoca makinyo marumu thiini wa sekta ya winji wa mathiga ma goro na utonga wa nthi.
Akiaria vindi ya kigomano kiria kirathie nambere kia Mining Investment Conference and Expo 2026, Rais Ruto niugite gwa kavinda karaca utonga mwingi wa mathiga ma goro ukoretwe ugitethia mavururi ma na nja na gutiga mavururi maria makoragwa na utonga uyu makigwatira uguni munini guku akiuga vuva wa makiria ma miaka mirongo itandatu ya wiathi mavururi manini ma Afrika nimo mangikorwa makivota kugweta uguni uria monete kumana na utonga wa nthi uria ukoragwa mavururiri mau.
Ni uthiite nambere kuuga undu uyu nwa nginya uthondekwe na kwagirithua guku akiuga mucemanio ta ucio uvatie gukorwa uri kavinda ka mogaruruku thiini wa gitaru kia Afrika.
Kavindari wa kau ni ugite wana thengia ya Afrika gukorwa iri na utonga ta uyu wa vata vakuvi gicunji kia mirongo ithatu, gitaru giki gikoragwa gikiona uguni wa gicunji kinini kuri imwe vari igana kia uguni.