Thirikari niiraniririte gutigirira nikurumbuyia family cia aria matere mioyo yao vindi ya mururungano uria wirigite kuthii nambere mwena wa Ishiara, gicigombunge kia Mbeere North county ya Embu.
Akiaria vindi ya mathiko ma Morris Mugo uria ni umwe wa aria matere mioyo yao, minister wa motungata ma mwingi Geoffrey Ruku nuugite thirikari niirutirite gwoca wigiririki iguru ria family ino.
Athiite nambere na kuuga uthuthuria wa kurathwa kwa airi acio matere mioyo yao nugukorwa ugikwa na kinyi niguo kumenya kiria kiathiire nambere, na kuuga thirikari nditikiria ciiko cia mugaru na watho na cia gutumira vinya makiria kuri mwingi.
Ruku nuugite mbonge itiganite niikoretwe igitwarithia uthuthuria na uria ciuritue irikie wanevenya kumenya nuu wina wigiririki, na kwiririra mwingi ati kivoto nigikwoneka na gikinyanirue.
Atongoria aria marekinyitie mathikori mama nimauritie mwingi gukorwa na ukirirriria, guku wamagietagirira utheri na wigiririki kuuma kuri mbonge cia ugitiri iria ciivokeretwe kurumbuyia mirurungano.